Mourinho kupata sare kwake ni ushindi mkubwa

Mchezo kati ya Manchester United, dhidi ya Arsenal, ulikuwa ni mchezo wa kimbinu zaidi kwa timu zote mbili. Mchezo huo uliomalizika kwa mabao 2-2 ulionekana kuwa mgumu sana kwa pande zote, lakini niliamini Mourinho alicheza kamari katika upangaji wake wa kikosi

Aliwaanzisha mabeki watano na viungo wawili wakabaji Matic na Herrera. Aliamini zaidi eneo la kiungo ni gumu sana hasa ukizingatia ubora wa Arsenal. Arsenal wamekuwa na tabia ya kushambulia kwa kupitia pembeni. Jose alijaza mabeki wagumu pembeni na kuweka viungo wakabaji ili kuzina mianya yote ya Arsenal iwe pembeni au katikati.

Wakati mchezo unaendelea nilimuona Jose, akiwa nje na kuwatupia lawama waamuzi wale wasaidizi wa mezani kwa maana ya kuwatoa mchezoni au kuwajenga kisaikolojia kuwa huu mchezo mkubwa na wenye historia jaribuni kuchezesha haki kwa mtazamo wangu.

Lakini hata ukiangalia kuna faulo zilikuwa zinatokea uwanjani ambazo hata kocha alikuwa apaswi kuwafuata waamuzi ila yeye alijenga mbinu ya kuwatibia kwa maana hata waamuzi watoke mchezoni.

Kama nilivosema hapo awali kuanza mbele kwa Lingard, Rashford, na Martial, kulikuwa inatoa taswira kwamba Jose, anasuburia kushambulia kwa kushtukiza kwa maana ya mpira mirefu.

Wachezaji aliowapanga mbele walikuwa wanakabia juu kwa maana ya kuwafanya mabeki wa Arsenal, wafanye makosa ili kuwaadhibu

Arsenal waliumudu mchezo kwani kila mara wao walitangulia kufunga bao na kuwapa United mzigo wa kusawazisha.

Lakini nimejiuliza je kama angetangulia kuongoza je Arsenal, wangerudisha? Sidhani hasa kwa mfumo wa United ingekuwa ngumu sana.

Arsenal waliingia kwenye mchezo huo kwa kuogopa kuwa sisi tuna historia mbovu dhidi ya Utd. Tunacheza kwa hatadhari, pengine lilichangia kupata matokeo haya. Muda mwingi Jose, alikuwa hawalaumu wachezaji wake kwa sababu kile alichowatuma walikuwa wanakifanya.